Themba Zwane noLesiba Nku
Ompetha beSaudi Pro League, i-Al Hilal sebedalule ukuthi eminye yemidlalo yabo yokuzicijela isizini entsha bazowugijima nabeDStv Premiership, iMamelosi Sundwns, ngoJulayi 26 e-Austria.
I-Al Hilal eqeqeshwa uJorge Jesus, ayizange igcine ngokudla isicoco seligi ngaphandle kwenduku kepha nakwiPro League Cup neSuper Cup kuphinde kwakhonya yona.
Emidlalweni engu-53 yesizini edlule yemiqhudelwano eyahlukene egijinywe ileli qembu elinoNeymar waseBrazil emabhukwini alo, linqobe engu-48 ladlla ngokulingana kwemine vo isizini yonke.
Phakathi kwabadlali abazobe bedelisana inkani nabeSundowns kukhona yena, uNeymar uma ezobe eseluleme noKalidou Koulibaly ongukaputeni weSenegal, Aleksandra Mitrovic owukaputeni weSerbia noRuben Neves wasePortugal ozakhele ugazi kwiWolves yase-England.
ISundowns ehlukane nomqeqeshi uRhulani Mokwena nabanye abadlali, izodlala eminye imidlalo neDynamo Kiev yase-Ukraine kulona lolu hambo lwayo lwase-Europe.