KUME nse ukuhamba kwezimoto namhlanje ekuseni emgwaqweni uR40, phakathi kweWhite River, neHazyview, eMpumalanga.
Abezimo eziphuthumayo babizelwe kule ndawo ngaphambi kuka-11 ekuseni ngemibiko yokuqhunyiswa kwemoto yemali.
“Imibiko evela endaweni yesigameko ithi abasolwa abangaziwa abebehlome beyizingovolo bavimbezele imoto yemali bayiqhumisa,” kusho uKyle van Reenen, we-Emer-G-Med.
Kube sekududulwana ngenhlamvu phakathi kwezigebengu nonogada. Kufe unogada oyedwa kwalimala ababili. Abalimele baphuthunyiswe esibhedlela.