INKONZO yesikhumbuzo kaMntwana wakaPhindangene uMangosuthu Buthelezi kuvela ukuthi izokuba sezinkundleni zasoLundi, ePrince Mangosuthu Stadium ngoLwesine. UMntwana udlule emhlabeni ngoMgqibelo ekuseni.
Izolo uNdunankulu wesifundazwe uNkk Nomusa Dube-Ncube ukhiphe isitatimende sokuthi uMntwana wakaPhindangene uzofihlwa ngoLwesihlanu.
Kanti uMengameli weNkatha Freedom Party, uMnuz Velenkosi Hlabisa ekhuluma kwesinye seziteshi zomsakazo uthe, ukuzilela uMntwana wakaPhindangene ongumsunguli we-IFP nobesemdala kunawo wonke amalungu ePhalamende ngokweminyaka nokuba yilungu njengoba angena ngo-1994, kuqala namuhlanje.